Plantun de Prouvènço

Pèr coumpara dos planto d'encò nostre

Datura stramonium & Potamogeton nodosus

Darboussiero

Datura stramonium

Solanaceae

Àutri noum : Erbo-di-darboun, Erbo-de-la-taupo, Castagnié-bastard, Endourmiasso, Tavanié.

Noms en français : Stramoine, Pomme épineuse.

Descripcioun :
Aquelo planto se recounèis eisa emé si gròssi fueio retaiado, mai subretout si lòngui flour blanco o viouleto (meno Tatula) e si fru que sèmblon de castagno (ridoulet).

Usanço :
La darboussiero, coume proun de meno de Solanaceae es uno planto empouisounanto. Ei bessai la mai dangerouso que i'ague encò nostre. S'en fau mesfisa, countèn forço alcalouïdo di proun fort que fan veni pèr un tèms fada e podon douna la mort se n'en esta pres de trop. A passa tèms servié pèr faire fugi li darboun e d'ùni se n'en servon contro li dourifoure que li babo crèbon un cop n'agué manja.

Port : Grando erbo
Taio : 30 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Datura
Famiho : Solanaceae

Coulour de la flour : Blanco
Petalo : 5
Ø (o loungour) flour : 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Escoumbre e proche dis oustau - Ribiero - Ermas
Estànci : Termoumediterran à Mountagnard
Couroulougi : Óurigino Americo
Ref. sc. : Datura stramonium L., 1753

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.